➤ Istrien Live - DAS Istrienforum
Istrien entdecken:
"Nicht nur Strandlieger"

Zurück   ➤ Istrien Live - DAS Istrienforum > Tipps zu Restaurants, Freizeit, Sport, Bootfahren, Natur uvm. > Rätsel, Sagen, Mythen und Bräuche > Weihnachten in Kroatien

Hinweise

Weihnachten in Kroatien
Adventszeit, Weihnachtsgeschichten, Weihnachtslieder aus Kroatien, Deutschland und überall

Antwort
 
Themen-Optionen
  #1  
Alt 12.12.2011, 18:32
Konni, im Istrien Forum
Konni offline
Super-Moderatorin
Interessen: Istrien - Dalmatien - Geschichte und Mythen
Kroatien-Profi
 
Kroatien Fan seit: 01.12.2009
Ort: im schönen (sym)badischen Odenwald
Beiträge: 7.184
Standard Weihnachtsgeschichte: vum Huwers soin Seppl uf monnemarisch

Isch hab emol gedacht, weils jo so viele jusers gibt, die jo vun de Gegend kumme vun der isch a herkumm, iwwersetz isch emol die Woinachtsgschicht vum Huwers soin Seppl ins monnemarische- damid a die Leid vun do des lese un awwer a noch ferschdehe känne.

Viel Schbaß und liewe Grieß


...

Ä kläni Woihnachtsgschicht vum Huwers soin Seppl, än zäh-jährische Bu aus em Hinnerlond vun Monnem
(Originaltext auf bayrisch- Autor: Toni Lauerer,
frei übersetzt ins Mannheimerische: Konni)


De Adfend is die schänschde Zeid im Winda.

Die meischde Leit hawwe im Winda ä Gripp. Die is mid Fieba.

Mir hawwe a äni, awwer die is mid Beleischdung un ma schreibdse mit ´K´.

Drei Woche bevor´s Krischdkinnel kummt, stellt de Babba die Kripp im Woonzimma uf un moi kleeni Schwesda un isch däffe midhelfe.

Krippe sinn longweilisch.
Awwer unseri ned, weil mir hawwe saudolle Figure drin.

Isch hab emol de Josef un des Krischdkinnel uf de Offe gschdellt, damidses schä warm hawwe - awwer des war denne zu hees. Des Krischdkinnel is gonz schwaz geworre un de Josef hots in lauder Drimmer zerisse. Än Fuß vum dämm is bis in de Blezldaig gflooge un des war iwwerhaubt kän schäne Oblick. Moi Momma hot mit mer gschennt un hot gsacht, das noch net ämol die Heilische vun moiner Bleedhait sischa wäre.

Wenn jezat die Maria ohne Monn un ohne ihr Kind rumschdeht, des sieht dabbisch aus.

Awwer isch hab Gott sei donk än haufe Figure in moiner Schbielkischt – un fer de Josef hawwisch jezat dän Donel Dack, un fers Krischdkinnel hawwisch de Aschderix genumme, weil der is so klä, dasser in de Fuddadrog basst.

Awwer do hod moi Momma gemäänt, dass ma firs Krischdkinnel kän Aschderix nemme konn, do wär des ferbrende Krischdkinnel bessa. Des is zwar schwazz, awwer zumindesch noch des Krischdkinnel.

Hinnam Krischdkinnel schdehe zwee Oxe, än Esl, ä Nilpferd un än Brondosaurier. Des Nilpferd un de Saurier hawisch nur do higschdellt, weil dä Ox und dä Esl so allä ware.

Links newa dem Schdall kumme grad die heilische drei Känische doher.

Änner vun denne Känische is dem Babba im leschde Adfend beim Butze runnergfalle un do warer hie, jetzat hawwe ma nur noch zwee heilische Känische und än heilische Bätmän als Ersatz.

Nomal hawwe die heilische Känische än haufe Zeig fers Krischdkinnel dobäi, nämlisch Gold, Weihrauch und Pirree – odder so ähnlisch ….

Vun unsere Känische hot änner statt Gold ä Kaugummibabier dobai, des glänzt a so schä.

Der onnere hot ä Malboro in soiner Hond, weil mir kän Weihrauch hawwe, awwer die Malboro racht a schä wenn ma se ozünde dut.


Der heilische Bätmän hot ä Bischdol dobei, des is zwar kä Gschenk fir des Krischdkinnel, awwer domit konners vum Saurier beschitze.

Hinner de drei Heilische sin noch ä paar Indioner und än keesischer Engl. De Engl hot blos än Fuß, der is nämlisch abgebroche, un deswege hawwe ma denn uf ä Modorrad gsetzt, damiders leischder hot. Mid dem Modorrad konner fahre, wonner grad net fliege dut

Reschds nebä dem Schdall hawwema des Rotkäppelche higschdellt. Die hot ä Pizza un drei Bier fir die Oma dobei. Än Wolf hawwe ma ned, drum gugt unner dem Boom än Hund vor, des is als Ersatz gemänt fer de Wolf.

Mehr schdehd net drin in unsera Kripp, awwer des reischd jo ach. Iwwer Nacht schalte ma des Lischd o und donn is unser Kripp erscht rischdig schä. Mir sitze donn alle rum und singe Lieda vum Adfend, monsche sinn jo schä, awwer die meischde sin mir zu laud.

Moin Oba hot mir ämol ä Gedischd vum Adfend gelännt un des geht so:

Adfend, Adfend, dä Bärwurz brännd,
äscht dringschdä änner, donn zwee, drei, vier,
donn hauts disch mid dem Hänn on die Dier.

Isch find des Gedischd rescht schä, awwer die Momma hot gsacht, dassisch mir des net merge däff.

Gonz schnell is donn awwer schun widder de Adfend vorbai un de Woinachte a un middem Johr gehds dohie. De Gschenge sin uffgepackt un bis Ooschdern gibs nix mer, hegschdens noch uffem Gebodsdag

Awwer eens is gewiss – de Adfend kummt imma widder!

- - - - -



Herzliche Grüße aus dem (sym)badischen Odenwald,
Konni





MEER GEHT IMMER!

U SRCU NOSIM MORE


Mit Zitat antworten
Antwort

Themen-Optionen

Forumregeln
Es ist Ihnen nicht erlaubt, neue Themen zu verfassen.
Es ist Ihnen nicht erlaubt, auf Beiträge zu antworten.
Es ist Ihnen nicht erlaubt, Anhänge hochzuladen.
Es ist Ihnen nicht erlaubt, Ihre Beiträge zu bearbeiten.

BB-Code ist an.
Smileys sind an.
[IMG] Code ist an.
HTML-Code ist an.

Gehe zu

Ähnliche Themen
Thema Autor Forum Antworten Letzter Beitrag in Istrien Live
Afrikanische Weihnachtsgeschichte Konni Weihnachten in Kroatien 0 19.12.2012 12:07
Weihnachtsgeschichte: Das Licht der Hoffnung Konni Weihnachten in Kroatien 0 23.12.2011 11:09
Die Weihnachtsgeschichte auf kroatisch Lutz Weihnachten in Kroatien 0 09.12.2010 12:51
Die Weihnachtsgeschichte in deutscher Mundart Lutz Weihnachten in Kroatien 0 08.12.2010 11:06

Uhrzeit auf Istrien Live in WEZ +1. Es ist jetzt 16:44 Uhr.